ЕҢ ДӘМДІмәрмәр сиыр еті

Ет дүкен сөрелеріне келіп түспес бұрын, ол ұзақ жолдан өтеді. Етті сүйектен ажырату цехінің ет өңдеушісі осы тізбектегі ең маңызды буын болып табылады. Өндірілген өнімнің сыртқы түрі, сапасы және құны маманның шеберлігі мен дәлдігіне байланысты. Айгүл Шуюшева ет өңдеу өнеркәсібінде 30 жыл, оның 4 жылы н «Қазбиф Процессинг » ЖШС ет комбинатында жұмыс істеп келеді. Жұмысқа деген қызығушылығын жоғалтқан жоқ, Айгүл үшін өндірістегі заманауи технологиялар мен кәсіби өсу маңызды.

«Біз керемет өнімдер жасаймыз. Біреумен сөйлескен кезде Kazbeef-те жұмыс істейтініңді айтсаң, саған қашанда халық біздің өнімдерді қаншалықты жақсы көретіні туралы оқиғалар айтып береді. Әлбетте, мен осы компанияда жұмыс істейтін адамдардың тобына жатамын деп айтуға мүмкіндігім бар  екендігіне мақтанамын» деп атап өтті Айгүл.

Артем Яндиев Ақмола облысы, Ақылбай ауылында туған. 

Қазір Щучинск қаласында тұрады, ондағы ет комбинатында бір жылға жуық жұмыс істеп келеді. Етті сіңірден ажыратушы – ет комбинатындағы негізгі мамандықтардың бірі. Мұнда нағыз кәсіпқойлар, мықты, жауапты, өз ісінің шеберлері жұмыс істейді.

Артемнің өзі былай деп айтады: «Етті сіңірден ажыратушы мамандығы – бұл нағыз ерлерге арналған мамандық. Мұнда күш, ептілік, тәжірибе қажет. Ет өнімдерін дайындау бізден басталады. Шығатын өнімнің сапасы біздің өңдеуіміздің сапасына байланысты. Kazbeef біздің қала үшін жұмыс орындарын құрады, ал қолайлы еңбек жағдайлары өнімділікті және кәсіпқойлықты арттыруға мүмкіндік береді. Мен Kazbeef командасының мүшесі болғаныма қуаныштымын».

Еркін Оралбайұлы компанияда 7 жылдан бері жұмыс істейді. Оның кәсіби жетістіктерінің тарихы сонау 2014 жылы басталды. Еркін Оралбайұлының айтуынша, оның компанияға алғаш келген күні есінде анық сақталған.

«Шынымды айтсам, мен көп ойланбадым, бірден келістім. Өйткені мен әрдайым жаңа нәрселерді үйреніп, алға қарай ұмтылуға тырысатынмын. Алғашында қиындау болды –  жаңа команда, жаңа міндеттер. Маған сапалы және мерзімінде орындау қажет болатын міндеттер жүктелді, бірақ мен еңсемді түсірген жоқпын, компанияның өршіл екенін және мені қызметкер ретінде бағалайтынын түсіндім. Мен Kazbeef-те жұмыс істейтінімді мақтан тұтамын, өйткені компанияның негізгі құндылықтары, оның қозғалыс бағыты, ол құрып жатқан аграрлық мәдениеттің болашағы өзіме өте жақын. Компаниямыздың кез-келген мүшесі дәл солай айтады деп ойлаймын. Біздің көзқарастарымыз бірдей, және өзім жұмыс істейтін компания мен сияқты құндылықтарды ұстанатынын ойласам, жүрегім мақтанышқа толады».